Gure herriko kantuzaleak biltzeko sortu zen Aretxabaleta Abesbatza; izan ere, gure herria beti egon da, nolabait, musikari lotua, eta guk eutsi egin nahi diogu urteetako ohitura horri. Hortaz, helburu argia dugu: kantu koralaz gozatzea eta, bide batez, tradizio hori zaintzea eta Euskal Herrian sustatzea.
Angel Barandiaran, zuzendaria
Musika-ikasketak Aretxabaletako parrokian hasi zituen, tiple gisa abesten. Erlijioso sartu zen, eta musika-ikasketekin jarraitu zuen: pianoa, gregorianoa eta organoa ikasi zituen. Erlijio-prestakuntza utzi ondoren, Aretxabaletara itzuli zen eta hainbat ekintzatan hartu zuen parte: abesbatzan, otxoteetan, musika-taldeetan…
1980an, Aretxabaleta Abesbatzaren sortze-lanetan hartu zuen parte. 1981ean, berriz, Juan Luis Izagirre zuzendaria hil ondoren, zuzendari-kargua hartu zuen.
Zuzendari izateko ikastaroak Gipuzkoako Abesbatzen Federazioan egin zituen, eta gregoriano-ikasketak Silosen eta Valle de los Caidosen.
Taldekideen zerrenda
Une honetan, abesbatza 35 kidek osatzen dugu: zuzendariak, 10 sopranok, 9 kontraltok, 7 tenorrek eta 8 baxuk.
SOPRANOAK | KONTRALTOAK | TENORRAK | BAXUAK |
Arantza Marrodan | Aintzane Aizpurua | Floren Iruzubieta | Alejandro Urzelai |
Jaione Olabe | Arantza Akizu | Javier Lizarazu | Eukeni Egurbide |
Kontxi Lazkano | Elena Martinez | Jose Cruz Urzelai | Imanol Aizpurua |
Maider Garai | Eli Gartziandia | Juan Iruzubieta | Iñaki Zumalde |
Maider Urzelai | Lourdes Urkia | Mikel Elortza | Javier Irure |
M. Carmen Etxeandia | M. Carmen Bengoa | Rafa Etxeandia | Javier Marcos |
Mariatxen Urkia | M. Jose Arriola | Ricardo Garro | Karlos Martin |
Nuria Fdz. de Arroiabe | Marian Uribesalgo | Xabier Zaloña | |
Olaia Elkoro | Pili Makazaga | ||
Xeli Etxeandia | |||
Entseguak
- Asteartean: 20:30etik 22:00etara
- Asteazkenean: 20:30etik 22:00etara
Kantatzeak bizipoza eta atsegina ematen badizu, eta musika apur bat badakizu, zatoz gure abesbatzara, atsegin handiz hartuko zaitugu. Horretarako, jar zaitez gurekin harremanetan.
Programa orokorra
Egun berezietan (Gabonetan, San Jose egunean, Aste Santuetan, Andre Maria Jasokundekoaren* egunean…) meza nagusia kantatzen dugu, eta herriko hileta-mezak ere bai.
Herriko egun garrantzitsuetako —herriko jaien hasiera, adibidez— ekitaldietan hartzen dugu parte.
Kontzertu bereziak ere eskaintzen ditugu, San Migeletan eta Gabonetan, besteak beste.
Normalean, aipatutakoez gain, beste 4 edo 5 kontzertu gehiago ematen ditugu urtean zehar, folklorekoak, polifoniakoak, gregorianokoak… (eskatzen digutenaren arabera).
Ezkontzetara ere joaten gara, batez ere taldekideenak eta horien senitartekoenak badira.
*Andre Maria Jasokundekoa herriko zaindaria da.